Jolka w Nuknicy

Witajće na internetowe strony Jolka-swjedźenja!

facebook - like

Strona je w prěnim rjedźe za wšitkich, kiž maja na poradźenju najwjetšeho ryzy serbskeho swjedźenja swój podźěl – hač na jewišću abo za kulisami, jako sponsor abo při přihotach.

.

Jolka 2021: sobotu, 16.01. w 18:00 hodź. (online!)

Jolka 2021: Korutanska - z korejtu přez dolinu

Tema je tónraz „Korutanska - z korejtu přez dolinu“. Serbja a přećeljo Serbow ze strowym humorom a apetitom su wutrobnje na tutón serbski wjeršk zymy přeprošeni. Program wotměje so korony dla bjez publikuma a na rozdźělnych městnach a so live přez internet přenjese. Program započina so w 19:00 hodź., „zastup“ je wot 18:00 hodź.

Tule dźe do
wirtuelneje
Jolka-hale!

Program přenjese so
tež live na Youtube!

.

Kooperaciski partner 2021: Załožba

Załožba za serbski lud

Zo njeby najwjetši serbski swjedźeń w zymje wupadnyć trjebał, je Załožba za serbski lud lětsa kooperaciski partner JOLKI a přewza digitalne přenjesenje programa. Wutrobny dźak za tutu podpěru!

.

Dalše informacije na tutym padleće!

Černo wo nastaću Jolki

Jolka nasta w lěće 1999. Běchmy sebi z wjesnym klubom na sportowym swjedźeń do Chrósćic dojěli. Při piwje, kaž to husto tak je, wuwija so najrjenše myslički. Při rozmołwje z młodźinu nasta měnjenje: „Wy tam w Nuknicy maće wulke zbožo, wuhotujeće prěni wjesny swjedźeń a z tym maće stajnje połny stan hosći.“ Na to jim žortnje wotmołwichmy: „Spytajće tola swjedźeń w zymje. W tutym počasu nihdźe ničo njeje.“ Wotmołwa bě: „To tola scyła njeńdźe.“ Mój bratr Handrij (Saznik) a ja pohladachmoj na so a myslička bě samsna … Nowa ideja bě zrodźena.

Z tuteje nalady woswjećichmy w januarje 1999 naš prěni Jolka swjedźeń w Nuknicy. Swinjo so zarěza, a z nazhonjenja wjesneho swjedźenja skazachmy tójšto napojow. Štož pak sebi do toho wumyslili njeběchmy, zo mamy hižo w dźesatej hodźinje nowe piwo wobstarać. Susodni korčmarjo běchu naša poslednja pomoc. A tak so sta, zo Kubicec, Dučmanec a Krawčikec hosćenc njedźelu ani blešku piwa wjac njemějachu. Wšitko bě so na Jolka-swjedźenju wupiło.

Po swjedźenju bě wěste, zo ma so dalša Jolka lěto na to zaso wuhotować. Lětsa swjećimy mjeztym hižo 15. Jolku. Bohu dźak, zo knježi mjez nami dobra zhromadnosć, kotraž nam zmožni, tutón wulkotny swjedźeń dale pěstować a hajić. Wulki dźak wšitkim pomocnikam, kotřiž so, na kotrežkuli wašnje, za Jolka swjedźeń zasadźa a nam pilnu, pomocnu ruku poskića.

Za to Wam wšěm „Wutrobny dźak!“

WABJENJE
Schneider Versicherungsmakler
Wokrjesny sazniski mišter Handrij Brězan
Montažowa posłužba Frank Domš
bjarsch-tv mediadesign
Schneider Čornak
Hairdesign Tobias Hanuš
Bodenleger Marko Jurk
Twarske maćizny Handrik
Měrćin Weclich
Bio-bur Wjesela
SAEK
Gasthaus Lehndorf
Fahrschule Schuster
Nuck Veranstaltungsservice Getränkevertrieb Zelte&Planen
Culinarium
Ratarski zawod Józef Brězan
Alojs Šołta
Ratarski zawod Marko Smoła
Chris Gasch
Firma Bauch
Maler Gruttke
Elektro-Service Spittank
Molerski mišter Markus Langa